لماذا أفقد حماسي بسرعة؟
سألتني طالبة وقالت : أنا عندى سؤال ويا ريت ترد عليا ، انا لما بكون خارج البيت وأنا ماشيه ف الشارع ببقى مليئه بالحماس وبالثقه في النفس ، و ببقى مستنيه اللحظه لما أوصل البيت عشان اذاكر ، وعشان احقق حلمى ، بكون ف غاية الحماس وأقول خلاص هشد حيلي ومفيش حاجه هتقف قدامى. لكن بمجرد ما بدخل الشقه ببقى عاوزه أنام وبحس بكسل فظيييع ومش بقدر امسك الكتاب .. ايه السبب ؟؟السبب (انتقال التركيز) و(تغير الروابط)
فكري معاي في المثال ده لو طفل شاف كلب وخاف منه جدا وطلع يجري على البيت وقلبه بيدق بشده من الخوف ، ولما وصل لقى أبوه جايب له شيكولاته من النوع اللي بيحبه ، وبمجرد ما مسك الشيكولاته جه أخوه خطف من الشيكولاته وطلع يجري.يا ترى في اللحظة دي هل هو لسة فاكر الكلب أو فاكر الشعور اللي كان حاسس بيه لما شافه ؟ أنا متوقع الإجابة (طبعا لا). ده في اللحظة دي ممكن يكون نسي حكاية الكلب أصلا ، والتفسير بسيط أن تركيزه أنتقل من الكلب إلى الشيكولاته ثم إلى أخوه ، وكل ما ينتقل التركيز إلى شيء جديد كل ما القديم يتردم عليه بطبقات أكثر تخليه بعيد وتأثيرة أقل
أنت بمجرد دخولك المنزل بينتقل تركيزك إلى أشياء آخرى وبتنسي وتتشغلي عن الأفكار اللي سببت لك الحماس
طيب والحل
أنك تتمسكي بالأفكار اللي كانت بتسبب لك الحماس جدا ، يعني أول ما تدخلي البيت تفضلي لفترة بتفكري في التفوق وف حلمك اللي عايزة تحققيه بحيث يكون البيت نفسه رابط يفكرك بكل الأشياء اللي بتحرك فيكي الحماس
بمجرد ما تجرب الحل ده لفترة هيتحول البيت نفسه لرابط يفكرك بكل الأفكار اللي بتصنع داخلك الحماس ، مين كان بيعاني من المشكلة دي وهيجرب الطريقة المذكورة في الموضوع؟
تعرف الأن على نظام التعلم الذكي كاملا
حمل كتاب (التعلم الذكي: المفاتيح الخمسة للتفوق الدراسي)
رابط تحميل الكتاب http://www.up-00.com/?OZF9