تحطيم حاجز اللغة بينك وبين الكورسات المجانية الأجنبية. كيف؟
--------------------------
سألتني فاتن هذا السؤال : بخصوص مواقع الكورسات اللي حضرتك نزلتها أنا فتحت الرابط وسجلت فيه وبقي لي أكونت عليه ، بس هو كله إنجلش وكلمات ما بعرفش أترجمها وطبعا لو بدأت كورس مش هفهم حاجه ، فأنا كده أحسنلي أتعلم إنجلش الأول وده هياخد عمر ، ولا استخدم مترجم.
.
إجابتي
-----
بصي يا فاتن ، عشان تستفيدي من الكورسات لازم توصلي لحد أدني من القدرة على التعامل مع اللغة الإنجليزية ، والوصول إلى هذا الحد الأدنى مش صعب ولا هياخذ عمر ولا حاجة.
كدة الدافع للتعلم اصبح موجود لأنك أدركتي إن اللغة الإنجليزية ممكن تكون مفيدة جدا ليكي أكثر من مجرد درجات في امتحان ، عن طريق اللغة الأجنبية كل مصادر المعرفة الموجودة على الانترنت هتكون متاحة ليكي
ودلوقتي إزاي تتعلمي إنجليزي عشان تستفيدي من الكورسات؟
--------------------------
أنا هقولك نصيحة واحدة تخليكي في خلال شهور بسيطة قادرة إن شاء الله على التعامل مع الكورسات الأجنبية ببساطة ، استخدمي الكورس اللي أنا عاملة على الصفحة ، شوفي كل فيديوهات المستوى الأول ، الجملة اللي مش تفهميها اكتبيها وأنا اترجمهالك ، ولو الفيديوهات خلصوا ولسة المستوى صعب عليكي اقولك فين تلاقي مجموعة تاني
وبعدين انتقلي للمستوى الثاني ومنه للثالث والرابع والخامس ، بعد المستوى الخامس هتقدري تتعاملي مع أي كورس لأنه هيكون في نفس المستوى تقريبا
خدي بالك الكورسات الأنجليزية بيكون موجود معاها نص المحاضرة مكتوب ممكن تعملي له داونلود وتقدري تترجمي ، وممكن كمان تخلي نص الكلام الإنجليزي يكون مكتوب على الشاشة مع كلام المدرب بحيث تكوني فاهماه جملة جملة
.
ونفس النصيحة ونفس الكلام بقولة لكل الطلاب
رابط قائمة فيديوهات المستوى الأولhttps://www.facebook.com/
رابط شرح مختصر لطريقة الكورس + قائمة فيديوهات المستوى الثاني
https://www.facebook.com/